हुज़ूर नबी ए करीम ﷺ और मलकूल मौत (Nabi E Kareem ﷺ Aur Malkul Mout)

HUZOOR SALLALLAHU-TA'AALA-ALAIHI-WASALLAM AUR MALKUL MAUT

 *HIQAYAT*  

       
Huzoor Sarwar-A-Aalam SALLALLAHU-TA'AALA-ALAIHI-WASALLAM Ke Visaal Sharif Ka Jab Waqt Aaya To MALKUL MAUT, Jibraeel Alaihissalam Ke Sath Me Haazir Huye, 

Jibril-A-Amin Ne Arz Kiya! Ya Rasoolallah! SALLALLAHU-TA'AALA-ALAIHI-WASALLAM Yeh MALKUL MAUT Aaya Hain Aur Aapse Ijazat Talab Karta Hain! 

Huzoor! Isne Aaj-Tak Kabhi Na Kisise Ijazat Li Hain Aur Na Aapke Baad Kisise Ijazat Lega! Huzoor Agar Ijazat Den To Apna Kaam Kare! 

Huzoor Ne Farmaya: MALKUL MAUT Ko Aage Aane Do! Chunanche MALKUL MAUT Aage Bada Aur

Arz Karne Laga: Ya Rasoolallah! ALLAH-TA'ALA Ne Mujhe Aapki Taraf Bheja Hain! Mujhe Yeh Hukm Diya Hain Ki Main Aapka Har Hukm Maanu Aur Jo Aap Farmayen Wahi Karoon! Lihaza Aap Agar Farmayen To Main Rooh-A-Mubarak Kabz Karoon Warna Wapas Chala Jaoun! 

Jibraeel Ne Arz Kiya, Huzoor: Khudawandh Karim Aapke Lika-A-Visaal Ko Chahata Hain! 

Huzoor Ne Farmaya, Aye MALKUL MAUT ! Tumeh Jaan Lene Ki Ijazat Hain! 

Jibraeel Bole: Huzoor! Ab Jabki Tashrif Liye Ja Rahe Hain To Fir Zameen Per Mera Yeh Aakhiri Fhera Hain! Isliye Ki Mera Maqsood To Aap Hi The Iske Baad MALKUL MAUT Kabz-A-Rooh Anwar Ke Sharf Se Musharraf Hua!

(Mawahib Laduniya Jild-4, pg-571)
(Mishkaat Sharif pg-541)

******************************

 SABAK 
     
Hamare Huzoor SALLALLAHU-TA'AALA-ALAIHI-WASALLAM Ki Itni Badi Shaan Hain Ki Wo MALKUL MAUT Jisne Kabhi Kisi Bade Se Bade Baadshah Se Bhi Ijazat Nahi Li, Hamare Huzoor Ki Khidmat May Haazir Hoker Pehle Ijazat Talab Karta Hain! Yun Kehta Hain Ki Agar Aap Farmayen To Jaan Lu Warna Wapas Chala Jaoun! 

Khuda Use Yeh Hukm Deker Bhejta Hain Ki Mere Mehboob Ki Ita-at Karna, Jo Wo Farmayen Wahi Karna! 

Bawajudh Iske Jo Gustaakh Huzoor Ko Apni Misl Kehte Hain Kis-Qadr Gumrah Hain? 

Kya Kabhi Inse Bhi MALKUL MAUT Ne Ijazat Li Hain?