ad 1

ALAHAZRAT KI KARAMAT


Sarkar Aala Hazrat Alaih Rehma ne ALLAH ki ata se Murda ko Zinda kiya




Ek shaks HabiburRahman naam ke the.Unko bachpan me nimoniya hua aur usi bimari me unka inteqal ho gaya.

Ghar me kohram mach gaya ke iklota ladka tha aur wo bhi khatm ho gaya.
Kafan waghaira ka intezaam hone laga unke walidain bareily shareef me aala hazrat ke zere saya ek qaribi makan me rihayish pazir the.



Walida roti hui aala hazrat ke paas pahunchi aur roro kar kahne lagi huzoor mera iklauta ladka mar gaya.
Aap hi ki dua se nasib hua tha huzoor mujhe apna ladka chahiye.Huzoor mujh bechari per nazar e karam farmaiye.



Aala hazrat ne asa uthaya aur us aurat ke ghar ki taraf chal diye.
Sab log aapko dekh kar taaziman khade ho gae.
Aala hazrat ne farmaya parda kijiye.
Zara hum bhi dekhe
Parda hua aur aap mayyat ke qarib pahunche.
ye dekh kar HabiburRahman ki walida aur zor zor se chillane lagi aur kahne lagi huzoor mera ladka zinda kijiye. Mujhe aur kuch nahi chahiye. 



Aala Hazrat ne bachche ke uper se kapda hataya aur bismillah sharif padh kar farmaya:


AANKHEN KYUN NHI KHOLTA DEKH TO TERI WALIDA KYA KEH RAHI HAI.

itna farmana tha ke bachche ne fauran aankhe kholdi aur rona shuru kar diya aala hazrat ne farmaya ye bachcha to zinda hai kon kehta hai ke mar gaya.

Phir to har taraf khushi ki laher daud gayi aur aap ne us par muhabbat aur shafqat ka haath phera to wo khamosh ho gaya aur chehre per halki si muskarahat maloom hone lagi.



Aala Hazrat ki karamat se HabiburRahman zinda hue aur budhape tak duniya me zinda rahe.

Tajalliyat E Imam Ahmad Raza 

Safah 103,104

Karaamat E Aala Hazrat 
Safah 73



SUBHAN ALLAH SUBHAN ALLAH KYA SHAAN HAI HUZOOR SALLALLAHU TA'ALA ALAIHI WA SALLAM K GULAMO KI...